Шинэ жил

Үг.Ц.Нүүдэл 
 Ая.Ч.Алтансүх
 

Цасан ширхэг наадан бүжээд

Цан өвлийн жаврыг дуудлаа

Цал буурал ааваа урихаар

Цагийн зүү оноо үдлээ

Цасан охидоо дагуулсаар

Цан жавраа хөврүүлсээр

Ойн олон амьтад

Онцолж бүгдийг дуудсаар

         Шинэ он шинэ жил ирлээ

         Шинээр надад санаа төрлөө

         Шинэ он шинэ жил гарлаа

         Шинээр надад насыг нэмлээ

Өөрөө би агаарт нисээд

Өнгийн ширхэг болон хувирлаа

Өвөө ааваа ирэхийг хараад

Өвөл цагийн сайхныг мэдлээ

          Дахилт

Оны ажлыг цэгнэн дүгнээд

Онц сурагчдын нэрсийг дуудлаа

Буурал аав бэлэгээ өгөхөөр

Бидний өмнө зочлон ирлээ

Ойн амьтад бүгдээрээ

Онцгой дэгжин бүжлээ

Охид хөвгүүд бид ч бас

Одод хээнцэр бүжлээ

           Дахилт